निरुपद्रवी मुंगी कडकडुन डसते

अंगावर तिच्या पडता पाय

जगण्यासाठी प्रतिकार हवा

डसणे शस्त्र, होता निरुपाय

प्रगती करा, निसर्गाशी

जमवुन घेत, घालुन समजुत

दोस्ती करा, पर्यावरण राखा

मित्रच आहेत एकेक पंचमहाभूत

पैसा वाहते पाणी

बचत करून, अडवा, वाढवा

पैशाची चाल संथ

श्रमाने यायची त्याची गती वाढवा

पैसा, बुळबुळित साबण

सटकण्याआधी वर आवरण चढवा

लक्ष्मी अखेर स्त्री

आवडते घरात शांतता, कुटुंबात गोडवा

तुमच्या आमच्या चुकीने मरा

मेल्यावर लक्षाधीश, जखमी कांही हजार,

गरीब हटले, गरीबी हटली,

वा रे वा!किती दयाळू सरकार.

जन्म घेताच,तीन घेणेकरी,दे दे म्हणुन मागे लागतात.

त्यांमध्ये एक आपला देह,दुसरा देव व तिसरा देश असतो.

ऋण आपल्यावर,त्यांचे देणे देणे,प्रत्येकाचे कर्तव्य असते

ऋण फिटता फिटेना,फेडण्यासाठीच पुन्हा पुन्हा इथे येणे असते.

इवलीशी जिभली

 चळवळी म्हणुन तिला तोंडामध्ये कोंबली

आगडोंब पेटवते

तोंडपट्टा चालवते, ,जर कां  पिसाळली

प्रेम दयासागर

जेव्हा केव्हा, मन:स्थिती शांत व चांगली

फणा सांभाळावा,

सांभाळावी सर्वानीच,ही वाणी आपापली

नाजुक देहाला जपण्यासाठी

थंडीमध्ये स्वेटर व मफलर

पायांची काळजी घेण्यासाठी

पायांत मोजे व पादत्राण

तो,म्हणजे,आपला प्राण

गेला की सर्वच संपले

जीव वाचण्यासाठी सुद्धा शहाणे

घालत नाहीत शिरस्त्राण

बाबा आम्हाला वाटतो तुमचा अभिमान

तुम्ही आम्हा सर्वांचे जीव की प्राण,

जाताना पापा,मोरुचा न विसरता घेता

    पण  विसरता घालायला शिरस्त्राण?

पा:पाकीट,पा:पास,मो:मोबाईल,रु.रुमाल,चा:चाव्या

अशा जागी बसावे

तिथुन ऊठ कुणी म्हणणार नाही

तिथे बसु नये

जिथे बसणे योग्य होणार नाही

ज्याने त्याने आपापली

पायरी सांभाळुन वावरावे

उगाच वावगे वागुन

अपमान करुन कां घ्यावे?